肥妹冇異性緣決心減肥　一年後劇情峰迴路轉 | 多戀事 | 膠Hub

:0:0

正所謂四月不減肥，五月徒傷悲。依家四月就快完啦，唔知各位女士們開始減肥未呢？「減肥」呢個話題對女仔嚟講真係老生常談，成日都話要減肥，唔食呢樣唔食嗰樣，但你地係因咩原因而減肥呢？健康問題？身材問題？喺台灣就有位絲打喺社交網站分享自己嘅減肥經歷，雖然減肥經歷個個都有，但佢對愛情觀就有第啲睇法。

閱讀全文
話說早前有個台妹喺台灣嘅討論區（Dcard）同大家分享自己嘅減肥經歷，由於佢細細個就好肥，所以都冇咩異性緣，但大個咗就開始注重自己嘅外貌，用咗一年時間激減30kg！

呢位絲打同好多女仔一樣，都想自己可以識多啲朋友，就算減肥幾辛苦都要努力！所以呢個台妹喺中學畢業之後，用咗一年時間減咗66g，咪話唔犀利。

但佢減減下，就已經覺得呢個世界都係睇樣嘅，事關佢讀year 1 嗰陣，原本唔多想理佢嘅男仔都開始留意佢，想識佢，仲主動約佢出街。

見到咁絲打反而唔開心，覺得呢班男仔都係睇樣，好現實……佢就覺得：「因為我變瘦才想理我的男孩……我想這大概跟男生以前是窮光蛋，後來變有錢，以前理都不理你、嫌棄你的女生們會突然倒貼投懷送抱的感覺差不多」。

你係咪都覺得男人都係鍾意睇又瘦又索嘅女仔呢？其實唔係嘅~絲打跟住又話依家呢個男朋友喺佢仲係肥妹嗰陣已經識，而且仲睇住佢由肥變瘦。而呢個男朋友都幾cool，無論絲打肥定瘦，對佢嘅態度都係好冷淡。但點知當絲打肥返，又同佢拍拖！
男朋友仲話：「雖然你瘦的樣子很漂亮，但我也喜歡現在肥的你。比起外表，我更在意的是你開心與否，健康與否，我就是喜歡你這個人而已。」（Woo…好識講野！有前途啊！）

聽到咁，絲打緊係感動死，之後都會繼續努力減肥，令到體重達正常嘅水平。（加油啊！）

就係呢段減肥經歷，令到絲打對愛情觀有啲睇法：「我想真正愛你的男生，不會因為你胖就不跟你在一起，要等到瘦了才願意接受你，而是會鼓勵你為了健康，陪你一起做運動、控制飲食，即使失敗都會不離不棄，繼續為你加油。」
冇錯！一個真正愛你嘅人，無論你變成點，好唔好睇，最重要嘅係人嘅「內在美」！各位絲打，希望你地可以快啲搵到你地嘅 Mr. Right！