【有片】霸氣司機大戰燥底阿伯　‘‘架車係我嘅，唔滿意就落車’’ | 真心膠 | 膠Hub

:0:0

多年前開始，唔少地方嘅公共交通工具上都嚴禁飲食，但如果情況緊急或情有可原嘅特別情況下進食，你又會唔會出聲指責對方呢？最近，台灣有位女乘客因血糖過低而需要喺巴士上進食，點知被一名老會大聲斥罵，之後仲引嚟司機上前了解，並霸氣同老伯講…
閱讀全文
女乘客因低血糖進食被罵近日，網上瘋傳兩段攝於台灣公車的短片，第一段短片中，有一位老伯拖住行李箱，語氣非常粗魯咁呼喝坐喺另一邊嘅女乘客。據知，當時該名女乘客因血糖過低，而感到暈眩及全身乏力，希望食嘢令情況好轉。

不過，老伯就未有理會，只不斷要求女乘客落車，並對女乘客講：「跟你講說不能吃東西就不能吃東西」態度蠻不講理！

事情其後驚動司機，並上前調停，勸老伯體諒對方，指「她人不舒服你就讓她吃，她又沒有礙到你」，「她等一下昏倒那你要負責是不是」。點知老伯反而更激動，反駁稱「甚麼叫我負責，不然你叫交通部不要禁止飲食啊」。

司機霸氣趕野蠻老伯落車司機唔想耽誤其他乘客，故問老伯「要不要下車」而老伯就話自己冇違法，唔明點解要落車。司機見老伯態度依然十分惡劣，叫車上乘客投票，指「想他下去的人請舉手」，結果獲得一致舉手贊成！

之後，司機仲霸氣表示「你要坐車就安靜一點，這是我的車，不滿意就下去！」聽到一啲都唔驚嘅老伯馬上指要記低對方名字投訴！司機終於頂唔順打開車門，堅持請他落車，表示即使老伯冇違法，但騷擾咗全部乘客，更對老伯拋下一句：「拜託你去投訴，我沒有在怕你的啦！」

而另一段30秒嘅短片，則係司機直接將老伯的行李箱拉至車門，並要求佢立即落車，態度非常強硬，不斷堅決強調「下去！」老伯最終唔敢再反駁，只乖乖聽話拎起行李箱一同落車，事情先至完結！

短片隨即引起網民熱議，有人留言支持指司機做得好，大讚佢為該女乘客挺身而出。同時，亦有網民狠批老伯，認為若他人有生理上需要，而且冇造成妨礙，唔應該盲目跟從規矩，指「規定是死的人是活的」唔知大家又點睇呢？

唔講咁多，去片！

霸氣司機
大戰！
Posted by 大娛樂家 on Saturday, 18 August 2018
搭小巴慘被阿婆PatPat坐面事情是咁的，近日連登討論區有個Post名為「X你老母岩岩搭小巴錫左落啊婆個屎忽到」，小編睇完條題已經笑到停不了！事緣有位巴打搭小巴，佢就坐咗喺最後嗰排出面個位……