陳家樂唔同女友成家立室　賺到錢都俾呢個人先

陳家樂以「港澳區明星店長」身份到英皇珠寶的澳門新店「巡視業務」，他高興指早前為香港區的珠寶新店擔任一日店長，反應極佳，獲老闆楊受成提升他為「港澳明星店長」，希望今次也得到好反應，能晉身成為「大中華區店長」，又說今次「升職」的酬勞多了一倍！Cap嚟見我
陳家樂表示賺到錢想孝順父親，「我咁大個仔都未送過首飾給父親，但我知道他是貪靚的，因每逢飲宴他都會配戴金鍊和戒指，既然加了人工，亦好應該回饋父親，因我在最艱難的時候，父親是最支持我的人。不過為免父親會收收埋埋唔捨得戴，我不會送太昂貴或太多鑽石的，會選型格類型的戒指，讓父親可平日配戴、登台時又可以威吓。」

問到會否買求婚戒指給女友余香凝？陳家樂坦言已送過對方戒指，現在有另一個計劃，就是置業，指最近與母親和妹妹也有周圍物色筍盤。

問到是否築愛巢？陳嘉樂否認道：「我想放租作投資用，因現在普遍一間屋都要600至800萬元，而首次置業需支付4成，我還是在儲首期，亦想減輕供樓的負擔，所以愛巢要遲些再計劃。」他續指其實不捨得離開家人，即使婚後也想跟家人同住，一來喜歡熱鬧，又有住家飯食，更想陪伴父母，尤其是父親已退休。
人紅就是非多，但呢位哥仔未紅果陣已經公開正印女友，所以就未有太多緋聞新聞。近日就有位女神表示：一直都話佢係筍盤，試過同佢自製緋聞！嘩，人地紅咗你先咁講～？陳家樂最近憑劇集《逆緣》飾演的「冷涷人」而人氣急升。


對於被影后惠英紅（紅姐）稱呼做樂爺，佢表示因為紅姐有睇劇，知道佢飾演爺爺角色，所以叫他做「樂爺」。

兩人因電影《幸運是我》而加深認識，戲內兩人感情儼如母子，想不到戲外亦打成一片。


當問到水漲船高，會否送給女友余香凝大大粒鑽石時，佢表示：「之前買咗粒鑽戒俾佢，不過好細粒石，主要作為一個承諾，因為當時係發生車禍之後，希望話佢知我可以照顧佢。」


問到衛詩雅有無羨慕時，佢就大讚陳家樂，並表示：佢係我入行後認識的朋友，一直都知道佢是筍盤呀！」

被問到點解果陣唔 mark 實陳家樂？衛詩雅表示：我地曾經試過自製緋聞！但連唯一一次的緋聞都只係傳咗一日就消失，事關太『流』。

衛詩雅更大爆：「我地 Friend 到，佢啲秘密我都知道，佢仲將好重要嘅嘢交俾我保管，就是前度女友啲相片和短訊。」

陳家樂即謂：「佢連我有幾多身家都知道，不過存放係佢度嘅短訊同相片已經係過去嘅事，可Delete。」佢又不斷解釋係為免睇到會傷心，先會存放係佢度。仲再三強調依家已經無唔捨得。睇黎衛詩雅真係爆咗佢大鍋喎，咁緊張！


花生佬都係認為「女人好小…器」，陳家樂小心余香凝會呷醋啊～！

Cap by：巴士的報


[圖擷取自網路，如有疑問請私訊]