【有片】二次創作《返工》獲網民瘋傳　森美再出新片歡迎惡搞

「二次創作」真係好有生命力、真係好好玩！森美噚日發表嘅二次創作「偽電影trailer」《返工》，網民反應熱烈，短短一日，已經錄得80萬次收看紀錄，得到過3萬個like，萬幾人share，成績勁過好多人氣YouTuber！今日森美將trailer條聲配上新畫面，加入更多颱風「山竹」襲港同善後嘅畫面，佢仲話：「歡迎大家繼續用我條聲做二次創作，發揮大家創意！」各位網民，接招喇喂！
Cap嚟見我
噚日條片一出，即刻全世界洗版！短短一日，已經錄得80萬次收看紀錄，得到過3萬個like，萬幾人share！勁呀！

今日加碼再出新片，歡迎網民同佢一齊玩！

新片比之前更有霸氣！「返工」兩個字好似有聲咁！

有網民噚日讚《返工》係本年度最佳電影，森美都即刻key返幾個奬落去！

呢句嘢真係難聽過粗口！

嗯⋯呢個畫面似曾相識！

有爆破場面！大製作喎！

森美大哥閃過！你捕唔捕捉到佢？

連個Ending都學埋荷李活電影，有誠意！唔該睇晒啲字呀！

睇片
歡迎大家繼續用我條聲做二次創作，發揮大家創意!
Posted by Sammy Leung on Wednesday, 19 September 2018
 
Cap by：森美 FB
【有片】森美二次創作《返工》　網民：本年度最佳電影！雖然世上已經冇任何嘢可以阻到香港人返工嘅決心，但係超強颱風「山竹」襲港後，各區都好似打完世界大戰咁，「777」政府依然唔叫停市停工，結果搞到噚日交全港通大癱瘓，打工仔們俾人玩到嬲嬲豬，呢啖氣化成咗好多二次創作，森美就被一張喺FB、IG瘋傳嘅「返工」改圖啟發，突然靈感到！炮製咗《地道星期二影院：返工》偽電影trailer送俾各位香港人！Trailer嘅聲音版已經首先喺今朝嘅《早霸王》節目播出，每句VO都一字一淚，中晒香港人嘅心聲，加埋畫面之後，網民都話睇到拍爛手掌！
就係呢張「偽電影海報」令到森美靈感大爆發！

估唔到聽完節目仲有片睇，仲要製作認真！

打風你好驚！打完仲恐怖！返工！

香港史上最血肉嘅史實！

700萬市民．7小時擠擁實境！

6個鐘先出到旺角？

前世未見過咁多人？

成條馬路都係樹！

平時半個鐘！噚日塞到懵！

多次勇奪準時勤工獎打工仔傾力主演！

返工！噚日盛大公映！

貼心老闆「互諒互讓」！全力護航！

9月17號！全城返工！
小儀亂入！

本片青少年及兒童遲啲到你！

睇片
【地道星期二影院：返工】
【地道星期二影院：返工】史上最大規模港產片。聽講片尾出演員Credit都出咗三粒鐘。全實景拍攝，走特技，走人情味，狠狠地將山竹過後嘅香港一一紀錄！去片！！！！！
Posted by 早霸王 Good Morning King on Monday, 17 September 2018
 
Cap by：早霸王 FB


[圖擷取自網路，如有疑問請私訊]