大方老母拎晒啲嘢送俾人　網民爆笑：遲下佢送埋你俾人 | 真心膠 | 膠Hub

唔知大家屋企個老母平時係點，以下落嚟要講嘅呢個老母真係連肥仔黎我都搞唔掂。是關呢個大方老母好鍾意將自己囝囡啲嘢送俾人，真係不得了。閱讀全文
樓主今次真係搞唔掂自己老母，決定大爆老母嘅惡行。是關樓主呢個大方老母好鍾意將佢啲嘢送俾人，送嘢食呀、衫呀個啲都算啦，最離譜係連樓主部Macbook都想送埋俾人。


呢個老母真係癡線都不得了，專揀樓主出咗街，或者返緊工嗰時就會打去同佢講，話送咗乜乜乜俾人。大佬啊有冇聽過，不問自取，是為賊也，唔係老母就大L晒！
唔單止啊！老母仲連樓主去完旅行用淨啲錢，都可以拎去送俾人，大佬啊唔好咁癡線啦好冇。
樓主仲細個嗰時老母已經係咁，佢話：「細個生日時，幾個老豆嘅朋友都買玩具俾我做生日禮物
，我老母就當住大家話：『你收咗咁多件玩具，送啲俾人啦』」，嬲到樓主記件事記到依家。

唔少網民紛紛留言，好似感同身受咁，鬧爆呢個大方老母，「慷他人之慨先最L仆街」、「Macbook都想送」。



有網民仲教路，叫樓主將啲貴重嘢收好。仲叫樓主試下送晒佢啲手袋呀、新嘢俾人，睇下樓主老母仲敢唔敢送佢啲嘢俾人。




有網民仲話樓主老母好on9，「俾我就送埋老母出去」。



有網民仲吹到樓主唔係親生，所以老母先會咁做。




膠通消息來源：連登
你有咩膠句想分享下？


[圖擷取自網路，如有疑問請私訊]