大阪地鐵宣布改裝車站｜網友惡評：我到底睇咗啲乜嘢？！短短2日收13,000個反對聯署

【大阪地鐵改裝】大阪雖然係關西最繁榮嘅府縣，不過整體感覺比東京更帶有昭和時代嘅復古、歷史感。於大阪營運地鐵嘅「大阪Metro」，日前就宣布將幾個車站進行大規模改裝！唔少網友睇咗官方發表嘅改裝設計圖後，都話「好崩潰」、「睇完設計圖後非常懷疑自己雙眼」，到底設計圖有幾「恐怖」呢？
撰文：C ｜圖片：Osaka Metro
閱讀全文
大阪地鐵改裝根據「大阪Metro」嘅發表，改裝車站為御堂筋線嘅9個車站，以及中央線嘅6個車站。將投資300億，按次序進行車站改裝，並預計於2024年或之前完成。
大阪梅田站車站月台。新設計嘅概念為突出每個車站嘅特色，例如近大阪城嘅「谷町四丁目」站將改裝成「金之茶室」，並將車站內塗成金色；「心齋橋」站則計劃於月台設置大螢幕電子廣告。
新設計概念：新大阪「大阪的近未來」。新設計概念：中津「presentation」。新設計概念：梅田「information terminal」。新設計概念：淀屋橋「歷史」。新設計概念：本町「crossover point」。新設計概念：心齋橋「textiles」。新設計概念：大國町「列車看起來最帥氣的車站」。新設計概念：天王寺「天空」。新設計概念：森之宮「森林」。新設計概念：谷町四丁目「大阪城・ 金之茶室」。新設計概念：弁天町「弁財天」（日本福神之一）。新設計概念：堺筋本町「船場町人文化」。新設計概念：大阪港「船」。網友惡評如潮日本記名網站change.org上開展咗一個名為「請讓歷史悠久的大阪地下鐵留在未來！」（歴史ある大阪の地下鉄を未来に残してください！）聯署活動。截至12月24日早上10時，已經有超過13,000人參與。
截至12月24日下午5時（日本時間），已有超過1萬5千個聯署！網民對於新設計均表示不安：「睇完啲設計圖，好懷疑自己對眼到底睇咗啲乜嘢。」
「新設計同我哋日常接觸嘅，帶著復古可愛感，又令人心情安穩嘅大阪地下鐵車站氛圍完全分離，充滿廉價感、花俏又惡趣味嘅設計，話要凸顯車站特色，其實同該地嘅聯繫更為薄弱。」
「平壤地下鐵嘅設計比『大阪Metro』更有sense。」
大阪メトロよりは平壌地下鉄の方がよっぼどセンスある pic.twitter.com/pG3bhVGY5X
— さかてつ (@SakaiRailway) December 22, 2018

充滿懷舊感嘅大阪地鐵可能會就此消失⋯⋯大批網友認為，隨住近10年嘅城市急速發展，大阪內嘅歷史建築好多已經被破壞咗，雖然理解修葺環境可以帶來利益，但除咗抹去歷史建築等文化，應該仲有其他方法，既可以留下大阪原有的風貌，又能變得吸引人潮。大阪嘅昭和感特色，似乎被愈削愈弱了。
資料來源：GOtrip


[圖擷取自網路，如有疑問請私訊]