中途轉基？！兩大男星大玩HEHE互剝 巴打：一齊執番皂！正！

有消息指徐天佑同陳奐仁大玩HEHE，難道決定中途轉機？！原來佢哋係拍賀歲片《恭喜八婆》時，其中有一幕需要徐天佑幫陳奐仁除褲，佢哋兩人都大叫好尷尬！
閱讀全文
藝人徐天佑、陳奐仁與丁可欣（火雞姐）早前為《晚吹-Close噏》錄影，同時都宣傳有參演的賀歲片《恭喜八婆》。

圖片來源：on.cc佢哋三人同聲表演片中飾演八婆，不過天佑就話套戲無劇本，大多都係臨時喺場度飛紙仔！因為導演彭浩翔就落咗命令，要保持神秘咁，所以佢哋都唔敢講咁多故事內容，費時唔小心劇透啦！
圖片來源：on.cc
不過佢哋就有講到，「有一場尷尬場口，係早上洗面同刷牙之間會做，拍戲我未試過咁拍，但場面似曾相識囉！其他場口都有除衫、着衫同打，仲要幫陳奐仁除埋添。」陳奐仁則笑謂：「佢幫我『解繩』，佢自己除褲，戲入面做八婆，但現實嘅我係8減1嘛！哈哈！」

嚇死一班fans啊，以為佢哋之間真係有啲咩，天佑老婆點算好！另外都有唔少粉絲對呢套電影表示期待，更想睇到天佑同陳奐仁之間嘅火花！

膠通消息來源：on.cc、網上圖片、恭喜八婆Facebook
睇埋：女星喊一喊頒獎禮就有獎拎！巴打：我都識喊啦！大L晒？臨近《萬千星輝頒獎典禮2018》，大家都非常關心視帝視后會由邊個奪得！為咗拎獎，大家都落足力拉票宣傳！有眼利嘅網民就發現每次臨頒獎時，都會有人走出嚟打苦情牌，搏同情！
視帝視后花落誰家一直都係網民所關心嘅話題，對一眾藝人嚟講同樣咁重要！藝人辛辛苦苦工作為的就是得到大家的欣賞和贊同，一年一度嘅頒獎禮正正反映到佢哋嘅努力俾大家見到！

不過，有巴打就發現每次就到頒獎禮，啲女星就會多咗好多慘情故事。早唔報遲唔報，時間就是這麼的剛好！就好似上年視后唐詩詠同洪永城分手嘅報導就喺頒獎禮前熱炒。

而今年視后大熱人選之一嘅煒哥，接受訪問時提到自己離婚嘅經歷。巴打對佢咁行為表示不滿，大鬧佢博同情，本來對佢冇咩嘢，宜家反而覺得好反感咁話！


其實煒哥有實力就係人都知架啦，巴打就覺得佢唔需要用呢啲方法去宣傳！
好似上年視后唐詩詠都有俾人話用喊嚟換獎，當時最引人爭議嘅係佢明明係女配角嘅戲份，但就可以擊敗萱萱拎到最佳女主角。





大台的確有好多人捱咗好耐都同攞獎無緣，但如果就咁就俾獎嘅話，咁馬明BB呢！


呢啲行為搞到大家都覺得視后好似好易拎，喊一喊就有份，完全無晒公信力！


膠通消息來源：香港討論區、東方新地、網上圖片


[圖擷取自網路，如有疑問請私訊]