巴打怒吼開夠黑糖珍珠鮮奶店未？　反被串：連登仔又喺到扮清泉 | 真心膠 | 膠Hub

:0:0

呢排有好多黑糖珍珠鮮奶店，老虎堂，辛福堂，鹿角巷等等。唔知你地有冇排過隊打過卡呢，不過呢啲珍珠奶舖開到好似藥房咁都係問題嚟，有鑑於此，有連登巴打就開post集思廣益睇下到底點解。
閱讀全文
開post嘅巴打話，伏咗咁多次，隔離又再開你哋咪又照走去排隊打卡！真係鍾意飲定為打卡？

關於呢啲珍珠奶茶風，當大家以為comebuy，貢茶個啲台式飲料店開始收皮嘅時候，點知台灣出咗樣嘢叫黑糖珍珠鮮奶，仲有好多台灣店鋪嚟香港開分店。正式開始咗後珍珠奶茶時代。依家為咗杯嘢，貴都算，仲有好多人願意晒幾個鐘排隊，打卡。

有巴打就話係大家要有下一樣搵笨嘅嘢先停到。
呢個比喻又好鬼貼切嘅！不斷「中」個頭埋啲「伏」度，究竟為乜？

好多人為咗打卡，不惜排隊，就其老虎堂個啲，啲港女列隊長到分分鐘一杯黑糖珍珠鮮奶要排2粒鐘。

巴打話杯杯都一樣樣㗎啦！

連登式講經又開始出現，但今次真係冇話錯。明明好普通一杯珍珠鮮奶，加咗黑糖，點解要咁瘋狂著迷。

所有外地平民嘢嚟到香港都會變上菜！

巴打話飲可樂好過，唔洗等又平。真係飲到糖尿都未飲完。

呢位巴打講得幾有道理，自己知道發生乜事唔飲咪算，人地要死唔同唔俾人死咩。
熱潮嚟到一齊開，熱潮過後一齊執，香港特色嚟！

珍珠奶已經直迫Starbucks價位！

連登經濟學術討論：

不過都有人頂唔順連登仔咩都眼唔順眼，話佢哋扮清泉。

人哋鍾意飲咪飲，你唔鍾意飲咪唔好飲，自由意志。

膠通消息來源：連登
阿囡扭計點算好？　爸爸一杯珍奶KO前世情人成日有人話生女多數似老豆，唔通阿囡同爸爸真係特別close？冇計啦！阿媽通常都係扮演奸角，仲成日火山爆發！溫柔嘅爸爸就唔同，阿囡扭計佢又唔鬧，仲會諗住辦法氹佢開心，錫到佢燶！所以阿囡都係黐爸爸多，怪難成日都話女兒係爸爸嘅「前世情人」啦！近日喺網上就瘋傳呢條影片，片中嘅小女孩發緊脾氣，嘴匾匾，眼濕濕，好似喊完咁，可愛到暈！究竟佢老豆點樣氹返佢呢？
前世情人答案就係一啖sweet到暈嘅珍珠奶茶！呢位阿囡真係太幸福喇，有呢個咁sweet嘅老豆！

阿囡初時個樣唔知係嬲豬，定慘豬！不過當支飲管隊到埋咀果陣，「um~~好味道」！

條氣即時順返晒！

阿囡：「算你知驚…Kekekee」

仲飲唔飲呀？

緊係飲！仲洗問？

「下次識做啦～老豆！」

前世仇人之但係有啲父女係「前世情人」，有啲父女就係「前世仇人」！啲爸爸媽媽最鍾意幫自己嘅仔女影相，仲要咩都影一餐。之不過呢個爸爸就認真搞笑，專門幫個女影埋啲炒車相，雖然囡囡好可愛，但啲相又真係好爆笑。話說台灣有個爸爸帶囡囡去游水，仲幫佢影相。不過呢個爸爸出手真係非同凡響，專影女兒嘅醜照，呢啲相俾網民瘋傳。仲表示：「聽說女兒是爸爸的前世情人，這是真的嗎？」。

兩張相都影到炒晒車，第一張相影到大女跌落海嘅樣，第二張影到細女飲嘢翻白眼嘅樣，兩張相都好好笑，睇嚟呢個爸爸取材都幾特別下。

唔少網民留言：「女兒長大會恨你」、「長大後妹妹有男朋友，爸爸可以拿出這些照片嚇跑他」、「爸爸是我這輩子的仇人！」。
小朋友獨特嘅影相方法成日有個啲咩男朋友唔識幫女朋友影相被鬧，影相呢家嘢都係俾返啲專業人士，或者自學練多啲啦！台灣有個3歲小朋友主動話幫父母影相，睇嚟佢好有天份，取材夠晒認真搞笑，竟然影咗呢啲相爆笑，睇到都唔知好嬲定好笑。