『今翅仆乖鳥！攞埋視后以後更加變本加厲！』幕後爆料李佳芯犯眾憎3大罪狀！

李佳芯攞咗2018視后其實除咗大熱黃智雯同陳煒唔開心之外，其實一斑幕後都唔開心，因李佳芯犯眾憎絕非空穴來風，有幕後大爆佢3大罪狀。
閱讀全文
1.扮大牌其實未做女主角之前已經扮曬大牌，當然唔敢得罪戲劇組，不過當時派緊綜藝節目已經成日推通告，明明有期都話自己要拍劇，因為覺得拍綜藝節目紅唔起，其實當時拍劇都係客串閒角，戲份唔多。但係就成日話自己開早收夜，好辛苦，逼pa改期就佢時間，當正自己阿姐咁款。

2.表面扮nice 其實白鴿眼初初到TVB緊係要打好關係，同目前幕後都相處好好，之後慢慢發現邊D人對自己有利就想盡辦法埋佢地身，例如劇組pa，AA（製作統籌）等，扮晒熟絡，扮晒fd，相反其他綜藝節嘅幕後見到面都當睇佢地唔到，之後劇集做埋主角，連劇集Pa都懶裡，已經碼實監製，仲使理你咩。呢個已經唔係秘密，因為全行好多同佢相處耐咗嘅幕後都知。（知情人透露）


另外佢對記者都係一秒變面，未紅同你扮fd，紅咗，知道你係細報真係睬你都有味（不過可能佢唔明好多細報其實同大報都係同一個集團），更加試過應承記者同攝影師拍攝，當中人地面姣精上身又話贏得角度好靚，之後又私底下鬧人影得佢唔靚，問嘅問題無聊。之後傳開咗，其實好多記者都唔鍾意佢。

3.上咗位目中無人唔只幕後，其實有好多演員都唔鍾意佢，初初拍劇好細心咁周圍請教人，之後紅咗就目中無人，有資深演員打算同佢討論下場戲，佢直頭當人冇到。話『我覺得咁樣已經好好』，其實人地都冇叫佢做咩，不過想對下戲比少少意見，點知佢連基本禮貌都冇。就算係視帝都冇面俾！

老實講句，知情人嘅消息幾多成真，幾多成假，唔知，肥仔又冇同佢接觸過，真心佢係靚嘅，戲好唔好就見仁見智，不過空穴來風，佢攞獎，大家見有幾多行內人恭喜就都估到一二啦！

老實講如果繼續用呢個態度，呢行都幾難行，做得呢行嘅兜兜轉轉都係果班人，Ali 好自為之啦。



[圖擷取自網路，如有疑問請私訊]