愛你變成恨你！為咗搵一見鐘情嘅女神決定告佢！ 巴打：愛嘅反面就係恨！

你有冇試過對人一見鐘情呢？話說有名男人就遇上了一見鐘情嘅女子，自此無法忘記佢，出盡辦法去搵佢但都失敗，最後決定用呢招！
閱讀全文
北京一名男子喺書店對一個女仔一見鐘情，呢位孫先生表示當日自己睇書時，對面出現咗一名穿黃色衛衣配肉色絲襪嘅女仔，當時仲同佢對望咗將近10秒！孫先生仲話呢個女仔係佢「成世人見過最心動嘅女仔」。

「曾經有一份真誠的愛擺在我的面前，但是我沒有珍惜，等到失去的時候才後悔莫及，塵世間最痛苦的事莫過於此…」，呢段台詞完全就係講緊孫先生嘅經歷！

孫先生對佢念念不忘，好想再見返佢，所以之後佢每日11點就準時去書店等呢名女仔，一直等到7點幾先走！孫先生甚至為咗等佢放棄工作，靠同親戚借錢去維持生活！

以為皇天不負有心人？錯啦！孫先生喺書店等咗女神50天，佢都係無出現。佢雙管齊下，一邊等，另一邊就喺街上派傳單！

最後真係無辦法，孫先生唯有出「殺手鐧」！佢決定告呢名女子，佢去到北京法院入稟起訴女神，希望借用法院的力量為佢尋人！

佢仲話如果搵唔到女神，就無咗人生意義！不過法院就建議佢唔好起訴，話即使將起訴狀上交上去都係唔會受理！


睇埋：暗星搭飛機被認錯係當紅歌手 巴打：整到一樣樣！空姐就成日有機會見到明星，緊係要把握機會同佢哋影返張相、傾下計咁啦。早前就有為暗星被空姐認錯咗做另一位當紅歌手，都咪話唔尷尬！
內地男星陳志朋幾日前戴住口罩去搭飛機，該航班的機組人員都對佢表示熱烈歡迎，佢都有同大家影合照，乘務長仲讚佢「這麼大的一個大咖，還那麼親切、熱情的配合拍照，真的好棒，不像大家認為藝人是那麼不好接觸。」


後來陳志朋喺機上瞓咗，醒後發現有位空姐遞咗紙條俾佢，上面寫住「謙謙：天冷了，注意身體，你好Nice！愛你的FANS」，佢先知原來全機組人員由頭到尾都認錯咗佢做當紅歌手薛之謙！

佢喺微博同大家分享呢件趣事，仲喺文章tag薛之謙，幽默咁話：「謙謙，你一定要請俺吃頓飯，俺幫你做了這麼大的功德，感恩。」

相信嗰個空姐見到個post，應該會好尷尬，擺咗個大烏龍！

仔細睇佢哋兩個，五官同髮型的確有相似嘅成份，尤其係戴咗口罩只露出眼睛時特別似！
陳志朋薛之謙連粉絲都分唔出，空姐認錯都情有可原嘅！


膠通消息來源：陳志朋微博、薛之謙微博


[圖擷取自網路，如有疑問請私訊]