(醜男先係寶) 香港有 7種~我很醜但我可以比到幸福你的男人

:0:0

36歲白只與22歲顏卓靈被爆九龍城撐檯腳兼行公園親熱，轉個頭顏卓靈貼咗一張二人滿口墨汁照，大方默認戀情。不過顏卓靈屬有米千金，家境富裕，爸爸顏慶進係投資老手，亦係酒樓集團主席，目前集團一共有9間分店。有樣有錢有青春，不愁無仔揀，偏偏佢唔揀高大威猛有錢仔，只揀一個剛剛拎到最佳新演員、無樣無身材的肥佬白只，完全體現咗女人睇內涵，男人睇外表呢個硬道理。究竟除咗外表，有咩男人令女人無法抗拒？以下7點，唔使齊曬，中到幾點，就算又肥又矮又禿頭，都一定溝到女神！

1. 浪漫細心呢個男人唔單止懂得男人的浪漫，佢亦了解同實踐女人的浪漫，定時送上小驚喜，臨瞓要來good night kiss，得閒整個燭光晚餐，從生活細節冧死你。

2. 識煮飯唔使你煮九大簋，簡簡單單粗茶淡飯即可，如果識煲埋湯就Perfect，不過最好願意洗碗或願意一齊洗碗。

3. 才華滿溢如果一個男人咩都識，攝影、拍戲，就算睇部電戲都分析得頭頭是道，有才華、有知識，係好charm嘅。

4. 收放自如唔會太獨立，又不能太黏身，對彼此關係收放自如，但要專一。

5. 不嫖不賭不飲不吹一個男人，自發性不嫖不賭不飲不吹(唔係被迫嗰種)，呢隻世間罕見嘅動物，絕對係搶手貨。

6. 風趣幽默男人嘅風趣幽默，又唔係爛gag嗰種，喺言談內容中有營養，氣氛愉快舒服。

7. 誠實呢點好緊要，一個男人將自己嘢收收埋埋，只會令女生覺得佢太多秘密古古怪怪，能夠坦承對待，係一件好難嘅事。