返學成日都恰個死肥仔...佢成面暗倉，個個月向佢收保護費，又可以成日打佢

sponsored 試過有個同學比我玩到好盡(十年前既事) 果條友又係肥仔加成面倉,成日懶寸又成日比人打, 學期初就話打,過多幾個月就個個屈佢錢,成日問佢拎廿蚊,佢自己又on9又次次都比,有時冇錢係身d人就打佢,佢為左唔比人打,就自己同人講"唔好打我,我下次比40蚊". 開始搞到越欠越多錢,最後自己d錢又比曬出黎,同埋欠左同學成六百蚊. 開始冇錢還果排佢比人打得好勁! 我呢類人向來又係抽水王,事不關已,我又唔會貪得意打埋一份,有一日我同佢講"不如我借六百蚊比你清曬d數先啦~如果唔係你比人打死都似,你爭我錢咪慢慢還lor,我又唔會打你既!拿!不過我呢排都比較手緊,我借六百比你,三個月你咪還二千比我lor!" 條友竟然應承wor..呢鋪仲唔發!跟住我即刻整左張借據比佢簽名,寫住借二千還二千零利息,條友睇都冇睇就簽左個大名.....sponsored 終於借左六舊水比佢,但個故事未完,過多幾日之後,我寄左封無名信比學校,話我果班有欺凌事件,有個同學(我寫埋全名)比人打得好緊要,搞到件事驚動到校長同班主任,我既目的當然係要搞大件事等佢老豆代佢還錢啦,因為我明知佢自己冇錢還。當時搞到事主個老豆都出埋黎,將有份打佢d人全部篤曬出黎記過(當然冇我份啦),果日仲要佢還左2000蚊比我,不過佢on9,一睇都睇得出佢老豆有心玩野..佢還錢果日死都要拎返張借據,我老虎都唔比啦梗係...之後,不出所料,第二日佢就同miss告我過我借六百收二千。Miss當時問我,我即刻show張借據比佢睇,miss都冇野好講~sponsored 就係咁.....我係一個星期內無啦啦多左千百蚊!而事後,我原本個計畫係等到件事爆左之後就大條道理問佢老豆還錢...點知佢先告發我~搞到我有d嬲嬲地.... 就玩足佢一年,而家諗返起都過意唔去... 呢一年裡面,我玩左既野有:- 1. 偷佢本西史書(果時個西史sir好變態,成班冇人敢係佢面前玩野),然後偷左全班最惡(X君,應該有料)既西史書,將本書寫左個傻仔個名然後放落傻仔個櫃桶度,上堂時X君發現唔見左書,同呀sir講,呀sir停課搜書包櫃桶,發現本書係傻仔度...(其實傻仔都唔認得本書唔係自己既)...呢單野呀sir唔信個傻仔,搞到佢記左過同出左封信比佢老豆,而且同一日既lunch,佢比X君打到第二日返唔到學. 2. 狸貓換太子 狂偷佢text books掉落街,將垃圾桶d垃圾放曬入佢書包. (玩左兩日,第三日佢個書包加左把鎖,不過最後都將佢書包掉埋) 3. 深夜來電 果時政府有d電話系統要求拎fax,你打電話去,入個電話號碼落去佢就會自動fax d野比你,但係如果fax唔到佢就不斷fax. 玩左一個星期,佢就改電話. 4. 偷佢手冊,拎佢地址幫佢叫外賣,一晚叫左廿幾個.結果不知! 同類玩法多不勝數.....,如事者玩學期尾,到學期最後一日,放左學係學校門口,趁好多同學仲係度既時候, 我細細聲同佢講所有野都係我做......佢嬲到即刻打我,我乜都冇做就已經成班男同學過黎圍佢~(大家想打佢好耐,趁最後一日仲唔搵機會!) 打左幾耐我唔知....最後我抽左幾下水就走左了!! 好慘......sponsored sponsored


[圖擷取自網路，如有疑問請私訊]