善用時間！ 中女東鐵車廂嘆住敷Mask

sponsored大家都知，香港地生活節奏咁急促，又飽受土地問題困擾，有咩都要以最短時間、最少空間完成，搭車出門就係一個理想Timing喇！今日（3月31日）有網民就喺港鐵東鐵線嘅車廂上見到有一位女子，執正行頭不特止，靚樣最緊要，非常自在地喺車上敷Mask！今日下午2點左右，即係唔關今朝東鐵延誤事（新聞連結：http://goo.gl/xyZKtA ）；有網民目睹呢位貪靚女士輕輕昂高頭，白色嘅面膜緊貼喺佢塊面，喺今日濕度咁高嘅情況底下，都感受到啲水份源源不絕咁滋潤落佢個靚樣到，都幾享受咁。sponsored平日返工有OL喺車化妝、夾眼睫毛、搽指甲油，大家都見慣不怪喇。當街敷Mask網民又有咩反應？有人可能覺得日光日白見到一個白面女子，留言話「好恐怖」；都有人好淡定，指大陸無時無刻都敷Mask嘅藝人范冰冰都係咁喇，懷疑對方未必係香港人咁話喎。《壹》仔見識少，覺得好多嘢都可以留番喺屋企做，早少少起身，喺屋企敷到靚靚先出門都得架啫！


[圖擷取自網路，如有疑問請私訊]