公司內 10種最仆街既麻煩同事，你身邊有無一個?

:0:0

sponsored 公司內 10種最仆街既麻煩同事，你身邊有無一個?對於香港人嚟講，坦白留喺辦公室嘅時間一定比其他地方耐，所以一旦遇上相處唔到嘅麻煩同事，可謂係比死更難受。咁究竟喺大部分人嘅心目中，邊幾類人係最黑人憎呢？同埋遇上咁嘅人，又可以點做呢？1. 乜都認叻

sponsored 乜都認叻嘅麻煩友最渴求嘅就係要其他人注意佢，總言之就係要所有人嘅目光無時無刻都要集中喺佢身上，一定要成為大家最傾慕嘅對象。但當然由於佢地「看得自己那麼高」，一向都會自我感覺良好而扮唔知其他人好憎佢，會繼續認叻到2046，亦因如此遇到咁嘅人就千祈唔好比反應佢，咁佢自然會去煩下一個目標。2. 擦鞋仔sponsored 見高就拜，見低就踩就係呢種人，同事有野搵佢幫手簡直唔駛旨意，但如果高級過佢／老細叫佢就即刻去做，仲要係好大動作咁要全公司人都知道佢做緊野咁。無錯呀，就係扮忙、扮著緊咁搏表現囉！遇到啲咁嘅同事，首先你要識得木無表情，之後當佢地超大動作／大聲扮工嘅時候，你就可以轉身望向佢以示佢騷擾緊大家咁，佢自然就無辦法唔收斂少少。3. 經常發出重複聲響sponsored 因為慣左手勢，有部分人會習慣左喺工作嘅時候發出自己都唔覺但煩到人嘅聲響，包括不斷按動原子筆拍打檯面咁。要解決呢個聲響嘅問題，除左塞住自己耳仔之外，其實就真係惟有直接同佢講，但當然提出質疑之前，都要諗清楚自己有冇相同習慣，避免好似寬己嚴人咁啦！4. 貼身膏布sponsored 無論你係唔係忙緊，呢種同事都梗係無時無刻都要出現喺你身邊咁，好似唔痴住你就生存唔到咁。講真大家其實唔係熟到咁，成日比人跟住無咩私人空間真係會令人非常煩惱，好似要多左個小朋友需要照顧咁。所以如果你唔想自己會錯意，比人地跟住自己，最好都係儘快坦白同人地講清楚。5. 大聲講電話sponsored 成日都聽到佢地講緊電話又唔用震機，更甚嘅仲開埋speaker全公司都聽到曬，唔煩死人就假啦？下次如果佢地又重施故技，或者你可以等佢收線之後同佢講番佢嘅行為非常滋擾其他人。唔想直接交涉？咁你惟有就採取無聲抗議，貼番張「請保持安靜」嘅告示喺當眼位置。6. 小事化大sponsored 事無大小一旦落入佢地身上，佢地就會好大反應講到件事好誇張咁，同時又好想爭取其他人認同佢咁。例如因為時間所限比個deadline佢，佢地就會大叫「做唔到」、「無可能」咁。遇上咁嘅同事無論佢真傻定假痴都好，你最好就係同佢解釋多次點解會set到咁，等佢接受現實，因為講真無論佢地點小事化大都好，最終都要完成工作。7. 無病呻吟sponsored 同小事化大相似，無病呻吟嘅同事某程度上都會好影響其他人嘅情緒，搞到全team士氣大減。唔想比佢影響工作氣氛？當然就係相反為大家提供正能量，建議番啲正面嘅處理手法令大家成功解決事情，咁大家嘅信心就自然可以番番嚟啦！8. 情緒超唔穩定因為接到一個客嘅電話唔happy，放低左電話之後就不斷狂鬧，仲要係爆曬粗咁。都係個一句啦其實咁嘅行為係超級影響到其他人情緒，令其他人壓力大增，所以都係搵個機會私底下同佢講下，等佢唔好變本加厲。9. 是非精公司無論大定細，總言之一定會有一兩個是非精鐘意八卦，專講人壞話。如果無奈同佢地共處一室，佢地又開始講埋公司啲人嘅是非，咁你就一定要醒目識得避席，費事比人覺得你同流合污。10. 哼音樂公司個個都全神貫注咁做緊野，突然之間從辦公室某處，就傳嚟左某人哼歌嘅聲音，即時同全公司嘅人洗個腦。無端端比人搞到全日喺腦入面loop let it go，感覺當然唔好受，所以你都係搵個機會同佢講下吧啦，等全公司嘅人有機會脫苦海。