【港男必睇】搵老婆攻略！！絕對中肯,愛分享

:0:0

sponsored 本人都做左幾十歲人，有老婆有仔女，未退休仲做緊，但後生細仔時完全無人教我如何選老婆，呢種咁有應用哲學教育意味慨問題，老豆老母無教，中學會考、A level 都無教，大學都無宿友同你傾過，作為過路人，我覺得要同後80後、90後分享，回饋社會，服務人群，造就各位港男下半生幸福，減少香港離婚率及社會問題，正正是本人寫這篇文章的目的。回答問題之前，我想先要有一些假設條件，否則以下答案未必適合。假設環境條件：① 收入中等② 相貌普通③ 無家底④ 住喺97後的香港⑤ 行緊高地價政策

sponsored 我估以上條件已經占了很大多數港男的環境條件。找老婆之前就先要講找女友，因為無女友就無老婆，不能跳step，但有一點要提一提大家，就系應該讀完書出來工作時，趁住份工未算壓力大工作忙時，要儘量識多些異性，否則當份工愈來愈忙時，你就更加難抽身找女友。; 女友條件：樣貌後生果時覺得呢個好緊要，但樣貌查實唔系咁重要，因為過左十幾年後乜都會老同厭，所以成日聽到話二奶無大婆咁靚都咁多男人鍾意就系咁解。我意思不是教大家專登找個樣差d慨我意思即系如果性格、脾氣條件更好的，不妨找個樣差少少的來做補償。如果可以的話，找個非主流派別的就最好，何謂非主流？例如，有些男仔喜愛單眼皮女生，出面主流一定系鍾意大眼妹，咁你硬要找單眼皮女生呢類，自己又鍾意，sponsored 出面又無乜人同你爭又少d競爭對手，何樂而不為？總之求順眼就算，唔好太奢求。身材香港女生做普遍矮同平胸，呢個系廣東人種問題，如果要做選擇的話，我認為只要唔好偏肥就ok,因為肥通常都同論盡掛鉤，再者如果連自己身型都管理唔到，點樣比佢管理頭家？當然你找到個高佻走肥就系bonus啦。如果要快速睇到佢20年後的身型，我建議你見一見佢阿媽就略知一二。性格呢點好重要，因為性格影響到行為，我們細細個就學德智體群美，但真系有幾多個學到？一開始就拍拖就一定系甜蜜，因為愛情系盲目，過左一年多d，愛情感覺少左，分泌的多巴胺少左，你就睇清楚好多，究竟佢系咪適合自己，因為性格不合，就好影響日後大家過慨日子。例如，假設對方系悲觀格，又不是務實型，所有事情又要落喺你身上搞掂曬佢，咁要問自己可否勝任？sponsored 因為我認為拍拖好簡單的，但日後結婚生仔生活先系重頭劇，如果對方系樂天陽光格，又肯做幫輕你先系最重要，大家記得唔好凈睇樣咁膚淺。情況同你細個同同學一組做project咁，你想同一個上進做嘢慨同學一組，定系同一個求其碌過靠曬你慨同學一組？脾氣呢點個人認為都好重要，如果條女事無大小，成日黑口黑面，發曬小姐脾氣，又要氹又要呵，你可能會忍到一時，但系忍唔到一世的。試下想像一下放工返來，得番半條人命，又見到個老婆黑口黑面話你遲返，發曬脾氣，仲要你氹，講野無尾音，問一句答一句，全世界欠左佢咁，問你點頂？最終一定比市場懲罰，離婚收場，因為你不能長期「扭曲操作」，即成日氹佢，最終咪費時失事又要找過個老婆，一系啞忍一世。如果想快速知到條女脾氣如何，查實好簡單，留意佢點對親人，sponsored 對老豆老母兄弟姊妹時d語氣，待人接物態度就明曬。學歷雖則學歷高唔代表賺錢多，但起碼學歷高d,比公司裁左都易d找到工作，加上學歷高d，理論上佢智商都應該高d，當然啦，你選人人都選你，你自己都唔高就唔好要求太多了。

年紀後生細仔時，凈系識得喺自己同齡果堆到找女友，呢個想法其實好錯，如果真系選老婆，應該找細過自己三至八年為原則。sponsored 因為男性心智系低過同齡女性的，d女個個都想喺死線27、8前結婚，30歲前生仔，咁試問家陣咁高樓價咁低人工，邊個無家底慨男生真系做到？你硬系要找同齡的，咁你要有心理準備佢可能會做高齡產婦。剛睇了一篇文章，從生育來說，最好差7年，因為男的35，女的28，這個生育組合就最好。即系話，當你30歲拍拖，同個23、4歲的，不知幾好，佢又咩都信曬你，話曬你社會工作經驗同智慧都win曬，可以輕易駕馭佢。當然啦，後生時，你得20歲你，你找個14歲就唔practical啦，但年紀大d，你就知呢個組合先系王道。後生時好易誤以為爭幾年無可能囉。我都做左好多好多年cd-rom, 第一次post文，仲要怕比人認出，開左個新account, 講咁多無非都凈想各港男早日找到個好老婆，sponsored 千祈唔好凈睇樣而忽略性格脾氣呢d重點，如果比我選我寧願要個相頭差少少，但樂天陽光女生陪我渡過下半世，因為相愛很易，相處很難，尤其我哋生活喺呢d政治混亂97後社會，高樓價高通脹，向上游機會又唔高，當你為柴米油鹽食住屋交通衣服交通問題煩緊慨時候，佢慨性格脾氣先系最重要，呢d先可以扶持你同你一起過難關的。最後，大家都要記住，你選人時人選你，例如，你又不能自己脾氣大又要求人家仲會小鳥伊人咁對你，否則又系比市場懲罰，分手離婚收場。

[圖擷取自網路，如有疑問請私訊]