《EU超時任務》大結局；觀眾、網民：「無綫近年佳作」、「好Sad！」

昨晚《EU超時任務》大結局，Final Boss 其實係阿正（袁偉豪）老豆郭偉誠（潘志文）。渠頭（王浩信）同威爺（豹哥）夾手夾腳收佢皮。阿正飲大兩杯上曬頭，想亂槍掃射渠頭報復，結果阿風（朱千雪）為咗救渠頭就引爆炸彈同阿正一鑊熟。就算阿風會忘記渠頭，最終渠頭為救阿風仍自己穿越，獨力解決販毒、黑警案、補償返Joyce（苟姑娘），甚至做埋阿風嗰份，救埋阿添（黃子恆）老婆等等，皆大歡喜。sponsored以上劇情，與唔少追開的觀眾、網民的推測大同小異。不過到真係播出睇結局，亦唔少觀眾睇得幾投入，尤其是渠頭代阿風收拾阿正的一段錄影獨白（節錄），sponsoredsponsored以及阿風炸到皮都爛曬都要出盡奶力講多幾句死於渠頭懷中（阿風幫渠頭頂住阿正復仇呢一大段其實幾狗血，但齋講王浩信表現係幾好）：sponsoredsponsoredsponsoredsponsored除咗以上2段，到片尾渠頭講返3日經歷的獨白亦有唔少觀眾、網民覺得「好sad」、「抽離唔到」，甚至達哥mode「喊出嚟」（對白Cap圖王 影片）亦有觀眾認為睇到大結局最尾先明晚晚何雁詩首洗腦歌意思咁話：「無需有萬次只需一次愛 未懼流眼淚留起這初春不需千百季 去看穿秋水只要伴著你任花火散去 讓背影結聚逾越時空裡 無憾一起飛去」sponsored今次個「開放結局」都算OK啦，雖然可以再簡潔啲，希望唔使好似最近午間劇場翻播的《棟篤神探》咁重拍一個happy ending。咁當然，TVB 本身出預告／每集內容係話「4月3日晚上，鼎名獨坐晨風家門前花園，倒數著時間過去，踏入4月4日凌晨12時，一切都不能再逆轉。鼎名喝著悶酒離開，豈料，奇蹟即將發生……」，阿風玩埋宇宙GEM「回憶的砂漏」吊咀，你當佢happy ending 亦得。《EU超時任務》有無抄／抄邊套／抄幾多都好，觀眾最終介意的只係好唔好睇。雖然有唔少細位甩漏，中段又略拖、少悶，尤其是水晶梨（譚凱琪）同阿正、阿風老母（呂珊）同周炳仁（黃栢文）2段出軌三角戀；而尾段突然爆兩個鍾永啟（陳志健）、鍾永俊（陳家良）出嚟，觀眾無路捉、太屈機，但唔影響得曬成套劇。就算話今次大橋的確係OK只係因為（疑似）抄得好，但都要演員演到、配合到。前麗的當紅小生潘志文《以和為貴》之後又中風；羅樂林就死到慣，真係駕輕就熟。本欄在開播頭幾集已經讚過渠頭角色搶、王浩信又落力演，（《EU超時任務》圍村村長，Signal Wong 真正上位之作？）加埋上述大結局幾個重要高潮位，真係由頭帶到尾。而豹哥同朱千雪雖然演技普通，（聞說威爺本來是大隻斌演，真係水鬥水），但角色都算完整。尤其是威爺，開頭估佢作用只係懶係製造下懸疑，臨尾交其交待一兩句算，但原來都有歷程有變化有解脫，主題「珍惜當下」喺呢條線亦貼切，而且做到人辦俾臨尾穿越的渠頭睇（雖然選材（又係絕症）同表達方式太老套，驚死觀眾同老婆唔知豹哥你睇化曬，要講到白曬）。而朱千雪就明明係演一個煩膠，但有鋪排同唔趕客。今次《EU超時任務》有唔少觀眾覺得同《刀下留人》都係無綫近佳作、甚至「神作」。本人就唔認同係神作，不過覺得EU 好過《刀下留人》，因為至少相對無咁多矯情對白，而且刀下留人都係靠呢啲嚟掩飾一條沉悶的查案線同老套結局（網民質疑「神劇」《刀下留人》結局爛尾？）。而EU 今次玩case 劇，雖然上面講咗節奏係有啲問題，但至少每次穿越，案情、角色發展、谷final boss 都有新的交錯進展，比較完整。受套劇帶擘，連賀展祥（林偉）都hit 埋，最近電影《選老坐》又有佢做黑社會大佬，搞搞下變下個「黑仔」姜皓文都唔定。（註：觀眾意來源出自高登討論區、對白Cap圖王 Facebook Group、）


[圖擷取自網路，如有疑問請私訊]