新工伏味濃？專家教你 5大徵兆揭上錯賊船

:0:0

sponsored相信有返咁上下資歷嘅打工仔都會明白轉工嘅痛苦：茫茫大海中搵工、面試，返工後適應新環境、新人事、新作風，走出Comfort zone，整個過程要花好多時間同心力。若然一返工即發現上錯賊船，真係喊都無謂。唔想成為連環不幸事件簿嘅主角，就要留意以下幾點：1. 長期刊登同一個Job ad伏喺邊？假如你喺求職網站見到同一個招聘廣告不斷出現（維持半年或以上），好似唔使畀廣告費咁，就算佢叫你去見工，你都要打醒十二分精神！點解嘅？有機會係間公司內部有嚴重問題，以致新人入職無耐就雞咁腳走。面試時最好旁敲側擊試探HR口風，例如詢問係咪因為公司需要特殊技術專才，再判斷搏唔搏得過。2. 人人都係新人sponsored伏喺邊？面試時，求職者應該把握機會向面試官打聽前任同事嘅任職年期，若人事多次變動，份工筍極有限。點解嘅？若打聽到做得嗰1年半載已經算資深員工，反映公司文化、制度、運作模式非常不堪，千祈唔好上賊船！3. 有求必應伏喺邊？每個職位有所謂「行內公價」、「合理水平」，正常公司亦會有預算，所以面試時一定同你傾下薪酬、福利。如果HR乜都無提，對你開出嘅條件有求必應，甚至高出正常水平好多，咁你就要小心。點解嘅？因為佢有可能係應承住你先，氹你落搭，之後反口覆舌；亦有可能畀多嘅人工係要你負責一啲非職責範圍內嘅事情，甚至從事「踩界」工作。4. 老細係外星生物（註：唔是《來自星星的你》嗰種）sponsored伏喺邊？未來老細講嘢1999，明明講廣東話但你都唔明佢講乜，或者無法清楚解釋具體工作內容，咁就有可能係伏！點解嘅？一係佢表達能力有問題，咁以後做嘢好容易因溝通不良引起誤會、發生衝突；一係佢身為老細都唔知自己部門做緊乜，咁你又點跟佢做嘢？而最壞嘅情況係，呢間公司直情有不可告人嘅勾當，所以佢先對你耍太極帶你遊花園！5. 公司瀰漫Walking dead氛圍伏喺邊？員工狀況反映公司文化同風氣，如果你經過走廊完全唔見有人有笑容，個個垂頭喪氣、滿臉倦容、目光渙散，好似上演真人版Walking dead咁，凝重氣氛瀰漫空中。點解嘅？唔使講都知係伏！轉工吧啦。