如果你有個做HR既女朋友，你一定要捉實佢，佢地絕對係筍貨

:0:0

sponsored如果你有個做HR既女朋友，你一定要捉實佢，佢地絕對係筍貨經過我多年嘅觀察，佢地絕對係筍貨娶得過！1. 吹水冇難道做HR嘅經常要對住唔同candidate做interview，所以一定要識得說話技巧，乜野topic都一定要識講下！你絕對唔使擔心佢同你巴打屋企人冇話題，因為平時吹水就係佢工作一部分，上至superman下至running man，都可以同你講一餐，唔使驚冇話題！2. 女神級細心HR出嘅文件都係official文件，份份都代表緊公司。打少咗個逗號？死得！大階打左細階？死得！冇隔行？死得！打錯人工？死十次都唔掂！payroll夾唔到數？死左都叫返醒你！無限復活之後勁過不死人，細心到唔駛你講都知你隻高達轉咗pose。sponsored3. 專一過宋慧喬佢地嘅工作環境都係以女人為主，加上HR呢個部門生人物近嘅形象，真係想偷食都難。而且日日都對住堆女人，返到屋企見到男人你呢啲稀有生物，一定唔駛講咀啖先。所以佢地對你一定專一，就算見到仲基oppa都絕不變心，忠誠度極高！

4. 成熟有主見HR經常要做決定，請唔請個candidate都有一定話事權，所以做HR嘅女人一定要有主見！做唔到決定請唔到人實俾啲腦細斬死。作為佢地嘅男朋友，唔駛擔心經常出現呢啲對話：「今晚食咩好？」sponsored「打邊爐？」「我怕熱氣呀！」「食壽司？」「我嚟緊period，唔想食生冷野。」「咁你話事啦…」「我冇所謂，你諗啦！」NONONO！依個情況唔會發生係佢地身上，佢地會諗好想食咩，俾埋意見你。5. 毒L變男神HR界基本上都係陰盛陽衰，咁多個女人走埋一齊除左係pantry講下皇呀姐是非，仲有咩做？梗係要show off嚇自己背後嘅男人啦！我係office就聽過好多次身邊嘅女同事講自己老公有幾靚仔有幾體貼，講到佢呼吸都好似有仙氣噴出嚟。明明係毒L都俾佢講到變男神，聽到男人都想嫁俾佢老公！