好嘢！《城寨》歐瑞偉唔錫身　決戰龍成虎堅捱打冇花冇假！堅！

sponsored 伍允龍（左上圖右）打得就係人都知，畀佢踢一腳認真唔嘢少！1/19無綫熱播劇集《城寨英雄》踏入尾聲，劇情高潮迭起，每晚愈趨緊張，而尋晚「龍成虎/貓仔」（伍允龍飾演）大戰Big Boss砵仔糕老闆「楊竹鑾」（歐瑞偉飾演）一幕，更加睇到人熱血沸騰想即刻衝入部電視機打爆歐瑞偉。龍成虎開行Turbo想隊冧終極大佬。sponsored 雖然呢一場打戲拍得好緊張，不過有網民就指「楊竹鑾」畀全城寨最好打嘅拳王「龍成虎」打到陷入牆，卻絲毫無損嘅劇情未免太誇張，網民仲話「楊竹鑾」簡直係「不死人」，要打敗佢，恐怕要出動超人或Batman等擁超能力英雄先至搞得掂……監製文偉鴻大爆54歲嘅歐瑞偉拍打戲一啲都唔錫身，認真專業！網民睇得肉緊，自然晚晚剝花生討論劇情，但其實一套劇集嘅成功，台前幕後工作人員背後嘅努力亦不容忽視。就以「龍成虎」VS「終極大佬楊竹鑾」一幕為例，歐瑞偉為咗呈現最好嘅效果，不惜大量打戲拒用替身，《城寨》監製文偉鴻喺Instagram透露：「歐瑞偉為了演繹武功鐵布衫，大量捱打鏡頭親身上陣，不單要打的好看，捱打的更為真實，尤其是他面旁硬食一腳的慢鏡，冇花冇假！堅！請大家掌聲鼓勵！歐瑞偉，好嘢！」sponsored 《尋秦記》嘅陶方，係咪即刻有啲似曾相識嘅感覺？現年54歲嘅歐瑞偉其實本身係體操運動員，後嚟成為龍虎武師同武術指導，因被睇中邀演86年無綫劇集《真命天子》而入行。入事多年嘅佢演過好多綠葉角色，好似古裝片大俠、警察、消防員等，但一直未受注目，直至當中2001年參演劇集《尋秦記》，飾演「陶方」一角而令人眼前一亮。而2012年起，歐瑞偉於無綫處境劇集《愛·回家》飾演「KC」同2016年《城寨英雄》「楊老闆」而為人熟悉。sponsored 後生時嘅歐瑞偉都算幾靚仔。


[圖擷取自網路，如有疑問請私訊]