《殭》鄭嘉穎明朝食木桶炸雞　網民即時諗起...鄭嘉穎：明朝有炸雞不足為奇

嘉穎經常試到女友Grace親手炮製的美食，今次就試到日本菜，大飽口福。（符祥定攝）鄭嘉穎、陳凱琳（Grace）、陳嘉寶、劉佩玥、陸永等人到將軍澳出席劇集《殭》的宣傳活動，眾女演員上演一場「女神食堂」，親手炮製日本美食，並由嘉穎試食評分。嘉穎經常品嘗到女友Grace的愛心美食，不過在過程中依然可以大飽口福，試到Grace自製的吞拿魚飯。
女神下廚，大家都贏，作為評判的嘉穎品嘗完一輪美食，當然滿足地給予滿分。（符祥定攝）
嘉穎罕有地以短褲示人，其實都幾有型。（符祥定攝）今日嘉穎以一身輕便裝扮示人，令人眼前一亮，他說是由形象指導搭配。問到為何不與Grace情侶裝出場，他說：「情侶裝好娘喎！不過打扮上其實都要視乎場合。」至於剛才司儀戴耀明將女友的名字，講錯成陳慧琳，嘉穎笑言對方的司儀生涯就此完結，「都係專心工作拍戲啦！」劇集《殭》自出街以來，引起了不少話題，最近就有嘉穎在劇中食「木桶炸雞」，有網民「突破盲點」，質疑明朝應該未出現炸雞這門美食，嘉穎相當貼地，表示有 留意網民的討論，「我有看過他們對炸雞的疑問，明朝有炸雞其實都不足為奇，因為中國的烹調手法從來都博大精深，所以有炸雞都可能是正常，不過網民都好認 真，其實都是好事。」至於Grace透露一直以來都有不少烹調經驗，日本菜亦難不到她，而她透露有包過餃子給嘉穎品嘗。剛才嘉穎做評判，給予每組100分，Grace會否不開心？她大方表示：「是好事來的，因為我本身都喜歡打和，在比賽裏面都不會傷到和氣，那就大家都開心。」
蜜運中的Grace，經常下廚炮製美食給男友，實行做個「入得廚房，出得廳堂」的女友。無綫熱播劇集《殭》自播出以來掀起唔少熱話，好似男主角鄭嘉穎嘅劇中造型激似前輩元華，佢個頭油到畀網友笑言五百年冇洗頭咁，夠曬搞笑！而劇中亦雲集「人 妻女神」謝安琪，以及一班養眼嘅新進女神陳凱琳及陳嘉寶等等，自然吸引觀眾晚晚坐定定煲劇，並喺網上討論每集嘅搞笑位及亮點啦！而之前播 出嘅一集，鄭嘉穎再度成為城中熱話，點解嘅？因為喺劇中嘉穎目送愛人跳崖自盡，不禁悲從中來並崩潰狂叫「呀！」，呢一聲「呀！」叫醒咗一班網友，見到嘉穎 又再展現其招牌喪叫，果然「呀＝鄭嘉穎」！而今次要講嘅另一亮點，都仲係嘉穎，不過就加埋佢女友陳凱琳（Grace）。大家都知《殭》係 嘉穎同Grace嘅「定情之作」，兩人唔單止喺現實中十分恩愛，連劇內都SWEET爆，劇中講述明朝時代，嘉穎飾演嘅「刑言」同Grace飾演嘅「上官金 鈴」相戀，所以不時都有佢哋相望甜笑，仲有情深錫錫嘅畫面，想閃死人咩！而尋晚有一幕，Grace為愛郎甘願下廚，唔知現實中嘉穎有冇試過女友嘅手勢呢？ 當中Grace自創唔少新派菜式例如魚生，仲有木桶炸雞等等，嘩！明朝已經出現魚生同埋炸雞咁離奇？
可能呢位不死人之後輾轉將呢個食物帶咗去外國，又覺得呢個食物令佢諗起家鄉，所以就將佢命名為...
刑教授食炸雞冇啤酒，好似爭啲嘢喎。睇住嘉穎食炸雞呢幕，唔少網友就聯想到佢係連鎖炸雞店嘅代言人，笑言無綫有抽水之嫌，仲紛紛發揮想像力，幫呢道木桶炸雞改菜名，好似「218 5個刑」、「刑炸雞」，而嘉穎評價炸雞嘅味道外脆內軟時，網友仲話笑到標眼水
想在手機閱讀更多娛樂新聞資訊？下載【GigCasa 激趣網】Android應用


[圖擷取自網路，如有疑問請私訊]