即係咁，如果你公司有呢D風氣，一定要辭職呀

:0:0

sponsored 成日話一個好員工要努力融入公司文化，但係有啲風氣根本好有問題，扮工友不應盲從。遇到以下7個情況，更要做好「跳船」準備，避免成為無辜犧牲者。1. 人人只望無穿無爛地度日，並覺得改變是種麻煩，最愛講「咪搞咁多嘢」2. 公司樣樣同你講規矩，無啲通融，似軍訓多過返工3. 同事之間零交流，有人離職，無人會好奇和關心，冷漠得恐怖4. 上司花大部分時間去諗點管人，但唔肯花少少時間去引導下屬發揮潛能5. 公司執著於「整頓」雞毛蒜皮的事，例如捉你遲到遲咗1秒鐘、皮鞋無擦，卻忽略確實會令部門運作出問題嘅事，例如經常有人「射波」請假就唔捉6. 公司成日將「你唔做，出面大把人爭住做」掛喺嘴邊，對員工嘅努力付出，當睇唔到。sponsored 7. 員工肯服從，只係怕咗一班不講理嘅管理層，而唔係信任佢哋嘅領導能力

講起做Group Project，好多人都會遇到一啲奇人異士，以下係我聽過嘅幾種：1.大組長 - 可能天生比較有鍾意做領袖嘅傾向，一開波就會以leader嘅姿態控製住成個flow，如果真係有料嘅都還好，遇著個冇乜料又鍾意扮大佬嘅就真係會想叫佢收皮。sponsored 2. 藉口王 - 每次要開會/出嚟做嘢/交貨佢都會有千萬種藉口遲到or唔到，諸如屋企有急事朋友失戀行路仆親尋晚失眠扶緊幾百個呀婆過馬路等等等等......3. 創意王 - 你叫佢做嘢，佢會做，不過交出嚟啲貨真係令你嚇一跳然後得啖笑，佢嘅idea總係出眾新奇前無古人後無來者，幫佢執仲耐過你自己做......4. 偏執狂 - 呢類人對於文件/powerpoint嘅整齊性及美感有非一般嘅執著，邊行字多咗個space，邊張slide啲字偏咗1mm，佢一眼就望得出，於是執份嘢就會執到佢嘔血......5. 潛水員 - 由始至終佢都係一名失蹤人士，直至最後要交組員名單嗰時，佢先會悄悄地由深海浮返上嚟畀佢個名同學生編號你......6. 蘇軾(so-sick) - 睇佢平日好地地，一要做嘢就會忽然百病纏身，搞到你都唔好意思chur佢，但deadline後你就會見到佢生龍活虎咁出嚟跳跳彈彈，生理構造相當匪夷所思sponsored 7. 苦命人 - 我諗已經唔駛多講......唉，一世人流流長......辛苦你了(拍肩)大家又遇過點樣嘅組員呢？