屋企觀音像個頭變左我爸車頭相，點算？

sponsored 上個月中，我爸係佢自己屋企突然倒地頭破血流過身，佢過身前打俾我媽叫左兩聲我媽個名就收左線，我媽打番俾佢冇人聽於是上門搵佢就發現去左，十日後殮房直接出殯，由於我獨女一個，冇咩能力負擔身後事，所以一切從簡。完成身後事，宜家只差等骨灰，我以為可以鬆一口氣，最近我屋企發生啲好頭痛既事我唔知點處理。sponsored 講少少我屋企背景，十年前我爸成日打我同丫媽，所以我媽同佢離婚，家暴造成好大陰影亦好憎呢個父親，最近幾年唔知係咪丫媽同佢和好，佢經常係我屋企食飯，但我好唔鐘意見倒佢，所以我都冇眼睇搬左出去。係上上個星期，我番左自己屋企訓第一日，坐係廳玩電話，玩玩下向前望下組合櫃，櫃面塊鏡係望倒神檯，呢一刻我望倒觀音像頭部變左爸車頭相，黑白色有少少朦矓。我好驚但冇同丫媽講，立即番入房唔敢坐係廳，第二日我媽番大陸住一排，因為間屋感覺好唔舒服，又暈又頭痛。夜晚我亦叫我男友陪我，男友同我講神檯個位好唔舒服，我聽倒諗起觀音像有d唔對路，懷疑先人已經依附係度，之後太驚果晚決定我都抱埋兩隻狗搬走。sponsored 隔幾日後我男友入屋幫我餵魚（我唔敢番去），佢同我講番一入屋feel倒有度力推佢，我男友對空氣講「我黎餵魚咋，餵完就走」，果度力冇再推佢，跟住佢望下觀音像，佢見倒既同我之前所見一樣係黑白相。。。各位師兄師姐，我同丫媽咁避唔係辦法，我已經好多日訓得唔好，又唔知先人想點，想唔要神檯未過一百日，可以點做丫？thx


[圖擷取自網路，如有疑問請私訊]