![]()
成日話拍拖耐咗，男人就會變，覺得妳唔靚，成段關係淡曬。sponsored 但其實，女人都一樣，當經歷過一件又一件事，當見過男朋友鮮為人知嘅一面，就唔會再覺得你系男神。你已經唔再系佢第一眼見到你個陣咁Charm，因為喺佢心目中，你由「男神」變咗做「得意」。好多時行街，Mary都會望住阿強系咁笑，阿強忍唔住問佢：「究竟妳笑緊咩呢？我又冇講嘢氹妳。」Mary繼續笑唔停：「哈哈哈哈！你真系好得意呀！」得意？阿強廿幾歲人喇，呢個形容詞會唔會有啲唔系幾適合呢？不過，Mary嘅眼中，阿強真系一個好得意嘅大細路。Mary見過阿強瞓覺瞓到流曬口水、見過阿強鍋個就嚟收唔埋，同林雪差唔多大嘅肚腩、記得阿強講過嘅無聊笑話、鍾意阿強扮啲古怪聲氹佢開心⋯⋯Mary：「你可唔可以唔好咁得意呀，真系好想摵你呀！」sponsored 阿強：「喂！咪咁大力啦！痛架⋯⋯」Mary見過阿強嬲爆爆個衰樣（當然唔系嬲佢）、Mary見過阿強為食到成口污糟曬都唔知、Mary見過阿強失驚無神喺度唱歌跳舞⋯⋯所有醜態全部俾Mary影低曬，佢話：「要好好Keep住，好重要架！當我掛住你果陣，可以拎出嚟睇，你唔可以刪除呀！或者嬲你果陣睇返，就會冇咁嬲⋯⋯」對Mary嚟講，阿強平日嘅一舉一動，如果用emoji嚟形容，已經由心心眼變成笑到喊。唔系阿強氹得Mary開心，而系Mary識自動將阿強變到完美，喺佢腦海中，從來都唔會有「嫌棄」。Mary嘅聯想力好豐富，阿強可以系個肥嘟嘟嘅BB仔，可以系只好曳嘅狗仔，連見到卡通公仔都會代入咗系阿強。Mary總系會話：「唔知你做咗爸爸會系點架呢；唔知同你去呢度旅行會發生咩得意嘢；唔知第時結咗婚老咗，我哋仲會唔會好似依家咁鍾意對方，你仲會唔會做咁多無聊嘢氹我呢？」sponsored 每次Mary再無啦啦望住阿強笑，代表佢又再記低咗一個只系屬於佢哋兩個嘅珍貴片段……男人嘅「低能」，系女友獨有嘅開心！越多越好，幾多都永遠記得！
[圖擷取自網路，如有疑問請私訊]
