香港監獄美味監躉飯...仲豐富過醫院飯 / 老人院飯

香港地物質豐裕，幾萬蚊個手袋排隊搶購，幾百萬一架名車通街都係，不過繁華背後，仲有好多人三餐不繼，78歲無親無故曾伯走投無路去打劫，博入冊食「皇家飯」醫肚。港府成日話老有所養，曾伯同特首都係姓曾，一個有得咬長糧，點解另一個咁淒？ sponsored 英國監獄廚神大獎 曾伯可能年紀大記性差，香港已經冇「皇家飯」食成10年，英國皇家監獄管理署（ HM Prison Service）先係供應正牌皇家飯地方。好多人認為囚犯既然失去自由，冇理由可以揀飲擇食，皇家飯唔慌好食，咁就錯！皇家監管署膳食主管 Alan Tuckwood10年前上任，佢將監獄伙食搞得色香味俱全，舊年獲頒全英公共機構廚神大獎（ Public Sector Caterer of the Year）。 名義上都係幫「事頭婆」辦事，英國對皇家飯要求好高，有守則詳列獄中膳食標準，包括處理食物程序、囚犯每日攝取營養量等，又要求煮食過程盡量少鹽 同少用飽和脂肪，規定每日必須有肉、菜同生果，每星期最少兩餐有家禽同魚做，其中一餐要用深海魚，因為魚油可預防心臟病，亦必須有素食同不同宗膳食。 sponsored 八方睇過其中一份餐單，有加勒比海式烤雞腿、免治羊肉黃薑飯、奶油雜菜批、五香雞肉炒飯同薯仔芝士吞拿魚片，咁多花款，香港人回味皇家飯唔出奇。 香港懲署斷估冇咁好，八方問過幾個釋囚，冇人記得獄中伙食滋味，或者入麵食乜都冇味，求其填飽肚就算啦。懲署發言人話，囚犯入獄時可揀定食中、西、東南亞 餐或素食，餐單經過營養師評核。據知中菜每餐成本約12蚊，西餐18蚊，有機會食話，揀西餐似乎數。 香港有逾30,000名在囚人士，有位「柳記」阿 Sir話畀八方聽，監獄煮餐飯好大陣仗，以赤柱呢種大型監獄為例，要搵成60個囚犯幫手煮飯，每次要煮200幾款不同菜，因為有犯要走豬、走牛，有身體唔 好要低鹽低糖，年老囚犯更要先起骨先食得，佢講笑話：「好似大酒店咁，跟柯打上菜。」 大陸勞加要畀錢 sponsored 有得香港監獄開餐，係不幸中之大幸，曾落難東莞、被囚勞所觀塘區議員何偉途，講起當時伙食猶有餘悸，「根本放唔落口，唔係畀人食。個包黑色，水都 冇得飲。」伙食差，皆因勞所自負盈虧，「想你畀錢加，一碟小菜廿幾三十蚊，一個杯十蚊。」據知一般香港老人院每餐成本約10蚊，兩一湯，白飯任裝，曾伯家 入住老人院，八方希望佢有安樂茶飯食，安享晚年。都唔差喎，一日三餐仲有宵夜，過年過節會加餸，仲豐富過醫院飯 / 老人院飯 sponsored sponsored


[圖擷取自網路，如有疑問請私訊]