「底已起」私影妹寸嘴「扮巨星」兼「扮國泰空姐」影相疑侵權，律師指：侵權最高刑罰係監禁4年。

:0:1

[]

sponsored 國泰航空一班空中服務員最近又因為資方「三宗罪」而發起工潮，受到全城關注，而呢個敏感時期，有一位私影模就po咗張著住疑似國泰空姐制服的相上facebook，結果引起巴打不滿，話佢侵權。事原呢位叫Hannah Pun(君君)的模特兒噚日(23日)喺fb曬命話︰「第一次著原裝國泰公司件衫影相，真係好靚呀。」當然引嚟一班宅男留言讚佢靚啦，不過有心水清嘅巴打就問佢套制服點得嚟，叫佢小心被國泰追究侵權，而Hannah仲得戚回覆：「完全唔驚!」相隔無耐，有高登仔就以「港女身穿國泰空姐制服，同龍友機場影相，仲要話唔驚侵權」為題開po插爆佢，仲話已經將呢件事上報俾機管局同國泰航空喎。sponsored

雖然巴打將件事搞到咁大，但亦有網友唔care，反問咁樣有乜問題。其實Hannah係城大旅遊及酒店管理系學生，平時做私影模(雖然佢聲稱自己唔係私影模)賺生活費，由於個樣同身材都唔錯，喺fb都有唔少宅男like佢，難怪Hannah被巴打開po插都咁多人撐啦。到噚晚，Hannah再喺facebook話:「其實梓柵只係一個係機場影相嘅model，而唔係去罷工嘅空姐，所以請大家幫幫手啦，唔好再問呀。」sponsored 究竟Hannah套制服點得嚟？《FACE》今日就致電Hannah了解，點知佢一聽到記者問佢疑似侵權一事，就反問記者係咪律師，之後再詢問佢套國泰空中服務員制服點得來，佢就極不耐煩，更寸嘴話：「點解要同你講？我唔會同你講件衫點得嚟，點著呢件衫呢啲問題。」記者再問佢係咪國泰邀請佢影相，Hannah繼續寸嘴:「你係咪唔明我講咩?如果作為律師，告我或者點樣嘅話，先會答你呢條問題！」態度仲囂張過國際巨星喎！之後記者致電梁永鏗律師查詢Hannah咁做是否涉及侵權，梁律師話若果套空姐制服真係屬於國泰，而又未經國泰同意從事商業用途，係有機會侵權，最高刑罰係監禁4年。