[小朋友勿入]香港十大已消失連鎖食店

哈迪斯

「美 國哈迪斯，好食得嚟唔同啲！」美國連鎖式快餐，90年代進軍香港。真係幾好食，好多人都like炸薯圈同蘑菇飯， 2006年全線結業，原因係租金同經營權嘅問題。事實止Hardee"s風光時期香港、台灣、新加坡、日本等都有分店，而家縮到只可以喺美國及中東地區先 食到。

雲迪斯

90 年代香港出現好多美式連鎖快餐，除咗Hardee"s仲有Wendy"s，俾香港人多個選擇，唔駛下下都老麥KFC。最記得佢嘅方形牛肉漢堡以及焗脆薯 皮。Wendy"s屬於美國三大連鎖快餐店，80年代堀起，90年代進軍香港，但係由擴張、全盛到萎縮，只係玩咗十年就撒走，相信原因係不敵老麥及KFC 同業競爭。陽光一代
80 後嘅你一定記得呢間專食Pizza嘅連鎖餐廳，最記得當時其中一間舖喺沙田新城市廣場，現在近GAP服裝店果個位置，門面有塊大櫥窗睇到師傅轉 Pizza，成為當時小朋友一大娛樂。屬於香港公司嘅陽光一代，由開餐廳轉型其他界別求存，例如中小學飯盒，仲有「波仔飯」，越做越大。東東雲吞麵
相信好多人大多透過電視廣告認識呢家粉麵連鎖店，「東東麵，非常麵」，又唱歌又急口令，宣傳包裝真係一流，但係食落口真係「非常」參差，品質不一，所以餐廳漸漸消失，現在喺超市間中見到東東急凍雲吞同水餃。

雅香園

對呢間港式快餐店有印象嘅多數都係70後。專賣中式粉麵，80年代風行一時，希望可以殺出條中式快餐血路，當時仲推出24小時營業，創了香港飲食先河，聽前輩說，餐廳不衛生，係執笠其中一個原因。P.S. 雅香園曾賣過電視廣告，主角係Beyond黃家強出奇老鼠
呢家80年代風行嘅美資連鎖餐廳好多人都記得，食Pizza又有室內遊樂場，咁樣crossover法真係好獨特，亦令小朋友樂而忘返，但最終都撤資返去美國，之後取代嘅係歡樂天地，當然只係得玩。今時今日見到冒險樂園都會諗起出奇老鼠呢個始祖。
金龍船

2000年左右狂擴充餅店同酒樓，應該係為咗上市。賣嘅點心同西餅好靚，價錢當然亦有份量，又賣過廣告，主角係蕭正楠。2003年受沙士影響，生意差，最終捱唔住全線結業。農場餐廳
圖 片上顯示農家意粉前身就係農場餐廳。農場餐廳係香港90年代興起嘅連鎖餐廳，主打簡樸西餐，以抵食、真材實料見稱，高峰時全港分店近50間，只可惜老闆陳 興濤喺97年金融風暴破產，全線執笠。2000年代尾東山再起，開「農家意粉」，有分店，結果蝕成千萬，今年年初最後一家都執埋。烤雞大王
喺 KFC未壟斷快餐雞市場嘅80、90年代，香港出現本土專攻食雞嘅快餐店－烤雞大王，分店多數位於日資百貨公司food court。戴上膠手套手撕全隻燒雞，配埋粟米真係非常美味，令到另一同業大家樂出「燒春雞」系列打對台，可見點樣風靡一時，可惜只得一時。港產片《最佳 損友》，劉華同陳百祥等人食雞食到津津有味，就係喺烤雞大王取景。
 馬里奧餐廳

專 攻義大利口味食品嘅香港連鎖餐廳，裡面有咩食冇咩印象，但最記得係首電視廣告歌，有個疑似著名義大利男高音盧奇亞諾·巴伐洛堤唱歌介紹餐廳嘢食，之後有個 細路大叫Mamma Mia。仲有《國產凌凌漆》銅鑼灣皇室堡槍戰一幕背後嘅餐廳門面。呢間屬於大快活集團嘅餐廳，似乎不敵同業Pizza Hut，最終逃唔過易手倒閉命運。


[圖擷取自網路，如有疑問請私訊]