牛奶唔係牛奶港產唔係港產　連登巴打：假㗎啲奶！ | 真心膠 | 膠Hub

鍾意飲鮮奶嘅人有好多，但對奶類產品嘅成份有研究嘅人就少之有少，有連登巴打就問：「香港邊個牌子牛奶成份係真正奶？」引起左一班巴絲嘅熱烈討論，佢哋發現原來市面上好多所謂牛奶都唔係真正鮮奶，而真正100% Made in Hong Kong 嘅港產奶更加係……原來方力申當年真係冇講錯，假㗎啲奶！
閱讀全文
只有「全脂奶」先係真正純牛奶，脫脂奶、高鈣奶等等都係經過加工，成份並唔係100%鮮奶，呢個入門級知識都唔係個個知㗎！

「牛奶」係真奶，「牛奶飲品」係假奶，簡單易明！

唔係睇邊個牌子，而係睇邊款奶，同一個牌子，都有出「真奶」全脂奶，同埋「假奶」脫脂奶、高鈣奶。

所謂「假奶」並唔係話佢會飲死人，只係表示佢係用奶粉開，奶脂成份唔夠全脂奶高。只要奶脂成份不足3.25%就會被列入為「牛奶飲品」，否則就踩中「商品說明條例」了。

香港品牌，香港提煉，原來都唔係真正港產奶，如果想飲「港奶」，係咪要自己喺屋企養牛？

總之睇住有冇「飲品」兩個字就得！

「真奶」嘅成份咪得鮮奶囉！就係咁簡單！

「真奶」先夠膽話自己係「100%純鮮奶」！

日本奶粉絲出沒注意！


不過日本都有「假奶」㗎！

以為叫「農場」就真係有隻牛揸新鮮奶咩！假㗎啲奶！

連歐洲大品牌都係「奶粉」奶，！假㗎啲奶！


識睇成份嚟買，呢位巴打係精明嘅消費者。

膠通消息來源：連登


[圖擷取自網路，如有疑問請私訊]