《兄弟大茶飯》主持mean到爆　網民：啲有味對白連fyy都未夠班

由蕭正楠和曹永廉主持嘅綜藝節目《兄弟大茶飯》星期一晚上十點半開播，喺播出第1、2集內容是佢兩兄弟夾手夾腳炮製大堆美食，畀一班藝人品嚐，今次唔係佢哋第一次合作做主持，在較早前旅遊綜藝節目《公公出埠》上都合作過，但明顯今次有默契多咗，當中不乏抵死對白，而且仲成日有意無意講大有味嘢！好唔好笑？見人見智啦⋯⋯
Cap嚟見我
抵死對白逐格睇！玩寸汪明荃首集，一開始二人話要喺公司搵女助手，二人拎無綫台柱汪明荃來講笑，唔止搞阿姐儲物櫃，仲話要佢做助手！


嘲阿廉老餅雜貨店老板指煮滷水要落甘草時，蕭正楠即對住曹永廉說：「即係加埋你！」

阿廉最叻洗「鮑魚」喺檔口買咗啲鮑魚返去，兩人埋頭用牙刷洗擦，蕭正楠話曹永廉：「洗鮑魚，你最叻！」阿廉話：「一路洗一路有黑水出！會唔會洗得太乾淨，人哋唔覺得係鮑魚？用洗潔精啦好冇⋯」

「起」得快？「起」得慢？二人介紹用雞蛋仔夾雪糕，名為「冰火卜卜脆」，蕭正楠笑淫淫話：「冰火，你至鍾意啦！」之後蕭正楠用攪拌機打練奶、鮮奶同雲尼嗱油自製雪糕，曹永廉話：「要打到佢起晒，要啲時間喎！我起就耐啲囉！你起就快啲⋯」蕭正楠話：「係，我起就快啲！」阿廉補充話：「但係我起完就耐啲，keep好耐！」

 蕭正楠 嘲阿廉不舉？去到Canteen，二人要倒啲冰塊做冰鎮生果涼粉，蕭正楠笑阿廉：「咦！舉得起喎！」阿廉話：「唔得！幫幫手⋯⋯得得得！舉得起！唔使幫！」

玩粗口諧音兩人公然玩粗口諧音，當嘉賓林夏薇試食二人親手整的滷水牛腱後，話：「幾好喎！你滷㗎？」蕭正楠就指住曹永廉笑住話：「老嘢滷嘅！」曹永廉聽完後反擊：「你滷味！」

馮盈盈高呼：「我要黑鮑！」蕭正楠和曹永廉準備咗大堆美食畀藝員食，當日TVB喺Canteen搞咗《Amazing Summer》 活動，所以有大批藝員出席，而阿蕭同阿曹在攤位上供應美食，好似雞蛋仔、自製雪糕、茶葉蛋、醉雞翼、鴨腎、炆鮑魚等，好豐富！
其中馮盈盈見到攤位的鮑魚﹐立即雙眼發光，出手突破重重人群行上去搶吃⋯


第2集，蕭正楠和曹永廉去到《多功能老婆》拍攝現場，二人整咗溫泉蛋海膽飯、香草斧頭扒同小吃請一班演員食，監製陳寶華、女主角楊千嬅、周柏豪、黃浩然、陳煒、吳若希等食嘢，嗰日三十幾，佢哋一見到咁多食物放喺烈日當空下，都第一時間問乾唔乾淨、食唔食得！


見到阿廉即場煮牛扒，原來係煮好再翻熱，千嬅都皺晒眉，之後切開食入口，忍唔住話好靭，黃浩然話自己嗰塊唔靱，問千嬅係咪冇牙，千嬅忍唔住話：「你係咪玩嘢呀？鞋底都冇呢個咁硬啦！你唔嚼吓對鞋！」



Cap by：東方新地


[圖擷取自網路，如有疑問請私訊]