![]()
sponsored前幾日，Mary同阿強講「介紹你睇套劇，超正！叫《太陽的後裔》！」「咩嚟架？」「都未睇點知喎，總之你陪我睇啦～」「好好好，聽個名，我覺得應該系神話故事，講太陽神個仔管治人間，同雷神差唔多，應該都幾好睇嘅。」結果，阿強就陪咗Mary睇咗幾集之後，完！全！失！望！阿強一直以為男主角系太陽神之子，原來只系一個普通軍人…不過其實佢一啲都唔普通，型棍又大隻，格鬥天王兼神射手，可以用BB彈槍嚟捉賊，無論情況幾危急都可以扮型開玩笑。煲劇嘅全程，阿強都保持沉默，死魚眼咁望住個螢幕…但Mary就睇到鬼死咁肉緊，每個情節都俾足反應。男主角搶返女主角手機：「哎喲好浪漫！」被急call坐直升機同女主暫別：「哎呀～好感人～」sponsored返嚟後去醫院門口接佢：「浪漫死人啦～」健身Show肌：「好型啊～」因職業而分手：「真系好慘啊…」戴住墨鏡再遇扮若無其事：「又型又浪漫又慘啊！」一齊返，扮拆地雷跌低摟住：「好sweet啊！」為女主角搵支槍指住人：「想殺死人咩～」「好期待下一集啊！」Mary睇埋預告，仲興奮過阿強睇漫威電影結尾嘅彩蛋唔捨得離開戲院咁。「說好的太陽呢？」阿強問。「Here！」Mary指住宋仲基。「……」「我平時都有接你放工啦，唔見你哎喲喲好浪漫咁樣！我去打Wargame又唔贊我型！」
![]()
sponsored「點同啫套劇個氣氛營造到好浪漫嘛。」Mary繼續話：「你覺得好唔好睇？」「唔，我覺得個男主角太…」未等阿強講完，Mary搶住話：「韓劇系咁架啦，咁先吸引到人睇啊～簡直系男神啊！」「你個男神喺呢度啊喂。」阿強指住自己個鼻。「Here！」Mary搖搖頭，指住宋仲基！為咗唔好俾Mary繼續YY落去，阿強叫Mary合埋眼。「你幻想住鄭中基…吖！Sorry，系宋仲基。」「嘻嘻～好型～」「OK，你開返眼啦。」「做咩？」「閉起雙眼你最挂念誰，眼睛張開身邊竟是誰。YY少陣啦你！」阿強扮呷醋。
![]()
sponsored阿強唔明！阿強真系唔明，點解Mary咁迷韓劇！於是果晚佢墊高個枕頭諗咗成晚，最終得出一個結論：其實女仔睇韓劇就同男仔睇AV一樣…分別只在乎男嘅會代入AV男主角，女嘅會代入韓劇女主角。但我哋都希望得到一段超現實嘅關係…《太陽的後裔》女主角除咗靚，個性都討人喜愛。見到男主角喺醫院門口接放工用手臂遮臉。喺屋企洗頭洗到一半無水，逞強後被男主角督爆又率真咁拎雪櫃支水去洗頭。明知同男主角因為職業關係，呢段關係唔會有好結果，就馬上分手，毫不拖泥帶水。每個女生，都渴望自己成為好似姜暮煙咁嘅女主角，又遇到一個劉時鎮咁嘅萬能男神…第日，Mary突然間好認真咁同阿強講：「雖然你唔系軍人，次次打親Wargame都成手彈窿，又無宋仲基咁多肌肉…但系，你都好似個劉時鎮咁，睇得出姜暮煙有咩優點，只要我講一句說話，你就完全信任我。所以你都唔洗呷醋吖～」sponsored「我無呷醋喎，我洗呷個泡菜仔醋？哈！痴線啦～」「仲有好似劉時鎮咁成日認叻～不過咁，有一樣你贏佢嘅。」「咩啊？」「就系你會陪我睇韓劇～」喺呢個咁感動嘅時刻，阿強亦都捉住Mary膊頭，好深情咁同佢講：「雖然你唔及女 優身材咁勁爆，現實亦無可能做到AV情節，不過…」「作死你啊！搵我嚟同AV比？！」話口未完，阿強個鼻就俾Mary用力捏住…「咁、咁如果我戴黑超喺街度扮唔識你咁直行直過，你點睇呢？」「點睇？咪盲佬一名咯！」「……」原來，就算阿強唔及Oppa咁完美，但系Mary都唔會嫌棄佢。而對於阿強嚟講，姜暮煙根本唔算得系咩，Mary先至系最好最重要嘅…sponsored
[圖擷取自網路，如有疑問請私訊]
