(踢爆)食囡王坤哥吳業坤生日夜怒飛Aka

:0:1

(踢爆)食囡王坤哥吳業坤生日夜屈女後怒飛Aka

吳業坤（James Ng Yip Kwan，1990年4月18日－）表面傻傻戇戇似「毒男」，但講到溝女，其實是高手，13年仍是三打七的他，已成功溝掂宅男女神Super Girls隊長趙慧珊（Aka）。玩地下情9個月，分手時爆出因Aka拜金又港女，指她嫌棄男友冇錢冇車，點知一切罪名是花心坤哥自製脫罪煙幕，被砌生豬肉的Aka氣難下，公開被狠撇冤屈。

13年，仲係無咩名氣嘅坤哥成功溝掂宅男女神Aka。而家單身嘅Aka早前就孤伶伶搭地鐵到太古買乳酪。

鍾愛宅男的Aka以為同表面戇直的坤哥拍拖會有安全感，但事實坤哥經常溝女，連Super Girls其他成員都唔放過。

擁有42吋白滑長腿的Aka經常在網上大騷長腿。

坤哥在14年生日狠飛Aka，但就仲有心情同老友胡鴻鈞、許廷鏗慶祝。

ka曾經在instagram大曬坤哥爛gag曬恩愛。

【食死貓】自認毒男的坤哥，因為身邊女伴團團轉而被網民封為「偽毒坤」。無風唔起浪！一三年，坤哥同擁有42吋長腿的Super Girls隊長Aka（趙慧珊）暗交大半年，二人分手後，因為男方一句「冇錢就冇得選擇發展！」搞到Aka被標籤成「拜金女」。被屈食死貓，事後Aka曾在森美主持的節目《公子會》中，公開自己被飛經歷。 Aka雖然冇指名道姓，只形容對方是個肥肥哋，戴眼鏡的宅男，但一講就知係講緊坤哥！「係無聲無色咁樣冇嘢，佢叫我等佢，叫我俾佢放個假，俾個break佢。我等咗好耐，期間我唔敢搵佢，一直等，等咗成個月！其實身邊嘅朋友都話佢耍我，但我唔信，我真係等，佢有話過到邊一日會我，但結果都冇！」Aka在訪問中自爆。

【生日分手】當時大家以為坤哥因為霉而俾女飛，實情是鍾愛宅男的Aka，於坤哥生日當天，在毫無原因下被拋棄。「我等到差不多到佢生日，就忍唔住打去問佢：『我可唔可以同你慶祝生日？』佢話唔可以！咁我話『不如我請你食飯嚇！』佢就話好喎！為咗佢，我花咗半個月去設計個生日蛋糕，結果等到佢生日嗰朝，我一早去咗salon set頭化妝，又特登去買衫，諗住買一套好靚嘅衫同佢慶祝；點知佢同我講要到凌晨一點幾先得，我仲hold住所有等佢。「但最傷心係嗰晚我俾咗個蛋糕佢，佢好開心喎！點知最後我得到嘅係：『我諗過喇，我唔會同你係埋一齊！』跟住佢就話要走，我好唔開心，自己一個拎住個冇電嘅電話同個鎖匙包，喺條街漫無目的咁行！」不明不白被拋棄，Aka還一路喊一路諗，是否自己做得不夠好，才會被飛！

【晚晚失眠】被拋棄的Aka，更直言這次是她多年來首次被飛，分手後一段時間，每晚眼光光到凌晨五點幾，滿腦問號瞓唔到。「呢次分手，係唯一一次咁傷心，之前嗰D拍拖分手，我完全無，但呢個係我真係好鍾意！」森美追問Aka點解咁鍾意對方時，她說：「唔知點解，可能佢好可愛，肥肥，戴眼鏡，好可愛！」上週六（五月十四日），Super Girls 於銅鑼灣出席新歌《有事發生》MV首播會，問到Aka在訪問中提到自己慘被拋棄經歷，所指是否坤哥？「咁耐嘅事，我唔記得喇！（你嘅形容同坤哥好脗合喎）我諗唔講呢樣嘢喇！（嗰時佢話因為自己窮先可以同你拍拖）其實我想講，呢個講法係好冤枉！識我嘅人都知，我一直一直都唔係嗰穿金戴銀，買名牌嘅！我知道坤哥而家事業係好好，咁你（指坤哥）繼續努力啦，身邊人成功，我都戥佢開心，我自己都會努力！」 Aka說。另一邊廂，本週一（五月十六日）《壹》仔問到坤哥是否Aka所講的對象時，他一臉尷尬：「我諗佢未必係講我嘅，我諗要問番佢本人先清楚！」

吸金毒男10年，參加《超級巨聲2》入行的吳業坤，去年尾經歷事業轉捩，人氣急升，接job價十級跳，「毒男」亦識印銀紙！ 2015-2016年（一年收入）電視劇《愛‧回家》 6萬《殭》（客串） 2萬《迷》（未播） 4萬個人專輯《KWON GOR坤哥》 15萬電影《刑警兄弟》 5萬《幸運是我》 5萬代言廣告 Acuvue隱形眼鏡 60萬燉奶佬餐廳 75萬沙宣 60萬「美肌の誌」面膜 65萬五色靈芝 50萬商演活動×13 40萬年賺約：387萬