準新人Whatsapp收相唔俾錢　攝影師奇招對付狗男女

結婚是人生大事，婚紗相更是重中之重，但過去不時有準新人與攝影師爭執，有婚禮攝影師就在討論區發了一篇名為「頭先差啲比對新人呃」的帖文。
閱讀全文
攝影師自言向來公道，影得好先收尾數，唔好佢就最多收3000出場費。攝影師就表示遇到一對「狗男女」新人，他們在收到婚紗相照片後表示不滿，雖然攝影師認為照片絕對正常，但既然新人不滿意，只收3000出場費作罷。
不過，攝影師又表示知道對方想點：「9成係Whatsapp收完相Download之後扮唔鐘意，唔想畀尾數。」但佢就表示「阿叔我都唔係食齋」，因為佢一早就調整相嘅大細，又將相壓縮，所有只能在電話看得清。

攝影師表示對新人兩日後發現自己「中伏」，於是問攝影師可唔可以要返佢地啲婚紗相，但攝影師表示已經刪除佢地所有相，並指因為佢地無俾錢，所以佢可以點處理都得，結果新人不斷打電話去搵攝影師，但佢就拒絕接聽電話，不過都有回覆新人表示可以嘗試 Recover 啲相，不過！就需要額外俾7000元 ( 雖然肥仔黎計極 3000+7000 都係10k ，不過佢話佢最後收9K 可能又俾對方壓下價咁～)

果對新人最終都接受呢個要求。攝影師最後得戚表示：「想呃阿叔我？下世啦！」
老實講，買咗嘅嘢、用咗嘅服務就一定要俾錢啦～更何況人地又唔係影到你唔要得啲相。除非好似呢對新人咁，啲相睇落似恐怖片劇照多過似婚禮相先再講啦！
恐怖片劇照定婚禮相？好多新人都會請專業攝影師幫佢地喺婚禮影低最美好一刻，不過唔係個個攝影師都真係影到你想要嘅相，呢個攝影師就影到炒晒車，肥仔黎我都真係無眼睇！內地有網民喺社交網站求助，話搵咗間攝影工作室幫對新人影婚禮相，點知個攝影師影咗呢輯好靈異嘅相，希望有網民可以幫手搞返好啲相。

呢張婚禮相唔單止色調較到暗藍色，啲光線仲打落對新人同佢屋企人塊臉到，睇到都已經心慌慌，真係好似拍緊《回魂夜》咁！仲有啲相影到個色調係桃紅色，真係冇返咁上下技術都唔會影埋晒呢啲炒車相。

雖然啲相睇落又真係幾恐怖，不過唔少網民好樂意幫呢對新人P圖，不過你估P圖真係咁易咩，佢地都P到投晒降：「還是放棄吧，攝影師可以跑路了」、「有沒有考慮轉行？恐怖片就缺這種人才」、「這完全將鬼光發揮得淋漓盡致」、「盡力了，怎麼修都不對」。
P到面容扭曲啦！調色調到好似落咗地府影咁！係咪扮緊紙紥公仔？焚高翻生都冇眼睇..黑白照係咪諗住遲啲…彩色可能已經叫P得好好換埋個background俾你夠晒誠意啦掛？睇完真係笑咗出聲 


[圖擷取自網路，如有疑問請私訊]